( Overview
/ Südamerika Trip
Rainbow-Mountain-Familie-Panorama-Föteli
Ide 4. gröschte Stadt vo Peru, in Cusco, chönnt mer meine, dass es meh Tourischte hett als Iheimischi. Tourismus isch für die Stadt au die wichtigschti Branche und gröschti Inahmequelle. Da ghöremer au s‘erschte Mal öpper andersch, wo Schwiizerdütsch redt, was für mini Ohre scho ganz ungwohnt worde isch, nachdem ich‘s zweiehalb Wuche nümme vo främdi Mänsche ghört ha.
Au da gits immerno die chliine Lädeli verusse anstatt Supermärkt. Mängisch spezialisiered sie sich uf es Produkt und denn findet mer all Lädeli wo sgliiche verchauffed am gliiche Ort, es internationals Phänomen. So finded mer denn Eierstrass, wo dLädeli hauptsächlich Eier verchauffed, oder e Teppichstrass oder au Schuehstrass. Für de Chund isch das super, wel er denn dPriise und dProdukt cha vergliiche und nur ei Tür wiiter chan gah. Ich fröge mich aber, wie fescht es das ehm Verchäufer bringt? Wie chan er sich abhebe vo de anderne, wenn er s‘gliiche am gliiche Ort verchaufft? Oder isch das e Art Silicon Valley, wo‘s chönd Synergie bilde? Viel länger als das magi gar ned über wirtschaftlichi Themene nahdänke. Das isch aber öppis, wo sehr uffallt i ärmere Länder. Bi eus reihed sich ned ei Bäckerei nach de andere a eim Ort.
Was eus au ufgfalle isch, sind die westliche Läde zum erschte Mal: Starbucks, McDonalds und KFC hemmer gspotted.
Mir gfallt die Stadt sehr, obwohl sie mega uf de Tourismus usgleit isch. Es hett mega schöni Plätz mit Chilene, Pärk mit grüener Wiese und Blüemli und die chliine enge Pflaschterstei-Gässli, wo sogar irgendwie a Gstaad erinnered.
Bim Plaza des Armas wimmleds nur so vo Tourischte und au vo Lüüt, wo ihri handgfertigte Produkt, ihri Zeichnige, Toure und Massagene wend apriise. Mit jedem Schritt wird mer agsproche und es erinnered mich sofort a Südoschtasie, nume, dass mer nach eimal nei säge, höchschtens zwei, in Rueh glah wird. So agnehm zum reise. S‘Mami cha sich sogar vorstelle, en Sprachufenthalt zmache da. Das wär super, wel ich mich denn richtig chönnt ustobe da, wenni sie wür go bsueche, wel mer da au cha Bungee Jumping mache, Paragliding, Ziplining. Es wür mir glaubs ned langwiilig werde :)
Ei Tour hemmer au scho gmacht und zwar zum Rainbow Mountain. Am Morge am 2 simmer für das ufgstande, damit mir drü Stund mit emene Minibus nöchher anegfahre werded. Früehner isch mer 3 Std ufegloffe, jetzt hends en nöchere Weg vo de andere Siite gfunde, wo mer nur no 1.5 Std lauft und zwar vo 4‘700 MüM bis zu 5‘040 MüM. Isch mir grad rächt gsi, weli 2 Täg spöter ja scho uf de 5-tägige Wanderig bin.
Mir hend nur scho mega Glück gha, dass dTour stattgfunde hett, wel sie ein Tag vorher wegem Schnee abgseid worde isch. Mir sind denn ufegfahre, aber ned ganz ufecho, wel sAuto ned gnueg gueti Pneu hett, drum hett eusi Tour scho früehner agfange. Ich bi vo Afang a verliebt gsi i de Weg. Überall wo mer aneluegt, türmed sich Schnee bedeckti Berge! Ich has mega gnosse i mim Tempo für mich elei, mit de Lieblingsmusig im Ohr det ufezlauffe. Natürlich han ich gspührt, dass dLuft chli dünner isch, aber es isch keis Problem gsi, wel mir kein Stress gha hend. Ich hätti uf dem Weg det ufe chönne schreie vor Glück, so guet hetts mir gfalle! Bi voll i mim Element gsi und ha au die Ziit für mich mega gnosse.
Mir hend so Glück gha, dass mir eine vo de erschte Wanderer dobe gsi sind und dUussicht mit wenig Mensche hend chönne gnüsse, wel jede Tag 700-800 Mensche da ufechömed, mit oder ohni Pferde-Service.
Dobe acho hett de Berg tatsächlich verschiedeni Farbe gha. Die chömed vo folgende Mineralie:
- Rot: Ise
- Grüen: Kupfer
- Gäl: Schwefel
Mega spannend! DBerge rundume sind 6‘300 Meter hoch und es hett au Gletscher rundume.
De Rainbow Mountain isch ersch vor drü Jahr entdeckt worde. Vorher isch er no mit Schnee bedeckt gsi. Hallo Klimaerwärmig... :(
Ufem Weg abe isch de Schnee scho gschmolze gsi und wiiteri chliineri farbigi Stei hend sich präsentiert. Die hend sone Pastellfarb gha, meeega schön!
Die Wanderig toppt sogar dSalzwüeschti und isch uf de Highlight-Lischte ufd Nummere 1 grutscht, herzlichi Gratulation für de erschti Platz, Rainbow Mountain!
Ha so Freud gha und es hett mir so Spass gmacht! Wasi no viel zwenig erwähnt ha, isch wie stolz ich uf mini Eltere bin, dass sie so Sache au locker mitmached! Mega schöni Erfahrig gsi für eus all drü!
Au da gits immerno die chliine Lädeli verusse anstatt Supermärkt. Mängisch spezialisiered sie sich uf es Produkt und denn findet mer all Lädeli wo sgliiche verchauffed am gliiche Ort, es internationals Phänomen. So finded mer denn Eierstrass, wo dLädeli hauptsächlich Eier verchauffed, oder e Teppichstrass oder au Schuehstrass. Für de Chund isch das super, wel er denn dPriise und dProdukt cha vergliiche und nur ei Tür wiiter chan gah. Ich fröge mich aber, wie fescht es das ehm Verchäufer bringt? Wie chan er sich abhebe vo de anderne, wenn er s‘gliiche am gliiche Ort verchaufft? Oder isch das e Art Silicon Valley, wo‘s chönd Synergie bilde? Viel länger als das magi gar ned über wirtschaftlichi Themene nahdänke. Das isch aber öppis, wo sehr uffallt i ärmere Länder. Bi eus reihed sich ned ei Bäckerei nach de andere a eim Ort.
Was eus au ufgfalle isch, sind die westliche Läde zum erschte Mal: Starbucks, McDonalds und KFC hemmer gspotted.
Mir gfallt die Stadt sehr, obwohl sie mega uf de Tourismus usgleit isch. Es hett mega schöni Plätz mit Chilene, Pärk mit grüener Wiese und Blüemli und die chliine enge Pflaschterstei-Gässli, wo sogar irgendwie a Gstaad erinnered.
Bim Plaza des Armas wimmleds nur so vo Tourischte und au vo Lüüt, wo ihri handgfertigte Produkt, ihri Zeichnige, Toure und Massagene wend apriise. Mit jedem Schritt wird mer agsproche und es erinnered mich sofort a Südoschtasie, nume, dass mer nach eimal nei säge, höchschtens zwei, in Rueh glah wird. So agnehm zum reise. S‘Mami cha sich sogar vorstelle, en Sprachufenthalt zmache da. Das wär super, wel ich mich denn richtig chönnt ustobe da, wenni sie wür go bsueche, wel mer da au cha Bungee Jumping mache, Paragliding, Ziplining. Es wür mir glaubs ned langwiilig werde :)
Ei Tour hemmer au scho gmacht und zwar zum Rainbow Mountain. Am Morge am 2 simmer für das ufgstande, damit mir drü Stund mit emene Minibus nöchher anegfahre werded. Früehner isch mer 3 Std ufegloffe, jetzt hends en nöchere Weg vo de andere Siite gfunde, wo mer nur no 1.5 Std lauft und zwar vo 4‘700 MüM bis zu 5‘040 MüM. Isch mir grad rächt gsi, weli 2 Täg spöter ja scho uf de 5-tägige Wanderig bin.
Mir hend nur scho mega Glück gha, dass dTour stattgfunde hett, wel sie ein Tag vorher wegem Schnee abgseid worde isch. Mir sind denn ufegfahre, aber ned ganz ufecho, wel sAuto ned gnueg gueti Pneu hett, drum hett eusi Tour scho früehner agfange. Ich bi vo Afang a verliebt gsi i de Weg. Überall wo mer aneluegt, türmed sich Schnee bedeckti Berge! Ich has mega gnosse i mim Tempo für mich elei, mit de Lieblingsmusig im Ohr det ufezlauffe. Natürlich han ich gspührt, dass dLuft chli dünner isch, aber es isch keis Problem gsi, wel mir kein Stress gha hend. Ich hätti uf dem Weg det ufe chönne schreie vor Glück, so guet hetts mir gfalle! Bi voll i mim Element gsi und ha au die Ziit für mich mega gnosse.
Mir hend so Glück gha, dass mir eine vo de erschte Wanderer dobe gsi sind und dUussicht mit wenig Mensche hend chönne gnüsse, wel jede Tag 700-800 Mensche da ufechömed, mit oder ohni Pferde-Service.
Dobe acho hett de Berg tatsächlich verschiedeni Farbe gha. Die chömed vo folgende Mineralie:
- Rot: Ise
- Grüen: Kupfer
- Gäl: Schwefel
Mega spannend! DBerge rundume sind 6‘300 Meter hoch und es hett au Gletscher rundume.
De Rainbow Mountain isch ersch vor drü Jahr entdeckt worde. Vorher isch er no mit Schnee bedeckt gsi. Hallo Klimaerwärmig... :(
Ufem Weg abe isch de Schnee scho gschmolze gsi und wiiteri chliineri farbigi Stei hend sich präsentiert. Die hend sone Pastellfarb gha, meeega schön!
Die Wanderig toppt sogar dSalzwüeschti und isch uf de Highlight-Lischte ufd Nummere 1 grutscht, herzlichi Gratulation für de erschti Platz, Rainbow Mountain!
Ha so Freud gha und es hett mir so Spass gmacht! Wasi no viel zwenig erwähnt ha, isch wie stolz ich uf mini Eltere bin, dass sie so Sache au locker mitmached! Mega schöni Erfahrig gsi für eus all drü!
Wie so riese Berge entstande sind, isch für mich mega bewundernswert
Wie mit Puderzucker überträufelt und hinde nochli Zuckerwatte. Eifach wuuunderschön!
All die Ross sind parat müedi Wanderer ufezbringe. Sones Pferd gaht im Schnitt drümal täglich uf de Rainbow-Mountain
Rainbow-farbigi Frau, wo grad vom Rainbow Mountain obenabe chunt.
Da gseht mer dPlattene no guet :)
Hunde-Selfie. Ich ha natürlich vorem Foti de Hund nach Erlaubnis gfröged :)
Glückliche Papi uf 5‘040 MüM
Es hends zu dere Ziit noni viel Lüüt ufegschafft
Scho idrücklich die Farbe. Mir hend sogar e Zuesattfarb gha, wiis!! Lucky us :)
SMami hetts natürlich au gschafft
360 Grad um mich ume hetts nuuur Berge
D‘Arlette isch in Gedanke debii gsi
Schön hetts usgseh. Je meh Sunne, desto intensiver sind dFarbe worde
Das isch au eis vo mine Lieblingsfotis
Bim abelauffe
Schön ischs gsi!
Mir gfallt die Siite fascht besser als die meischt fotografierti anderi Siite
Schöns Mami ide schöne Landschaft
De Schnee isch zwüscheziitlich scho weg und drum isch de Weg schliferig worde. Höchschti Konzentration isch gfrögt
Stolzi Gsichter
Pastellfarbigi Stei. Euse Guide hett paar für sis Aquarium gsammled
Unzähligi vo Alpacas
Uf de Heifahrt. DLandschaft isch allgemein wunderschön gsi
D‘Extratour wo mir no gmacht hend, wel sAuto ned ufecho isch - mir scho!
Berge ohne Ende, egal wo mer aneluegt
Was das isch? Kei Ahnig... Peruvianischi Edelwiis?
De Papi isch i dere Sekunde dobe acho
Sign in with Apple 
Log in with Facebook